मदनकृष्ण श्रेष्ठको बायोपिक बन्दै, महेश त्रिपाठी मुख्य भूमिकामा

काठमाडौँ । नेपाली चलचित्र क्षेत्रमा जीवनीमा आधारित (बायोपिक) चलचित्र निर्माणको क्रम तीव्र भइरहेका बेला वरिष्ठ कलाकार मदनकृष्ण श्रेष्ठको जीवनमा आधारित चलचित्र निर्माण हुने भएको छ । निर्देशक मिलन चाम्सले मदनकृष्ण श्रेष्ठको जीवनीलाई पर्दामा उतार्ने तयारी गरेका हुन् ।

यो चलचित्रको औपचारिक घोषणा तथा कलाकारहरूको परिचय भोलि (आषाढ ८, २०८३) सार्वजनिक गरिने स्रोतले जनाएको छ । प्राप्त जानकारीअनुसार चलचित्रमा मदनकृष्ण श्रेष्ठको भूमिका अभिनेता महेश त्रिपाठीले निर्वाह गर्नेछन् ।