लाजियो चौथो स्थानमा उक्लियो

काठमाडौं । इटालियन सिरी’एमा लाजियो विजयी भएको छ । लिग अन्तर्गत सोमबार राती भएको एक मात्र खेलमा लाजियोले कालियरीलाई २-१ गोल अन्तरले हरायो ।

लाजियोलाई जिताउन मथायस जकाग्नि र भ्यालेन्टाइन कास्टेलानोसले गोल गरे । जवाफमा कालियरीका रोबर्टो पिककोलीले एक गोल फर्काए । जितसँगै लाजियो सिरी’एको अंक तालिकाको चौथो स्थानमा उक्लिएको छ । उसको २३ खेलबाट ४२ अंक भएको छ ।