राफिन्हाको दुई गोलमा बार्सिलोना विजयी

काठमाडौँ । ला लिगा अन्तर्गत शनिबार सम्पन्न खेलमा बार्सिलोनाले ओसासुनालाई २–० गोल अन्तरले पराजित गरेको छ । घरेलु मैदानमा भएको खेलमा बार्सिलोनाका लागि राफिन्हाले निर्णायक भूमिका निभाए ।

पहिलो हाफ गोलरहित बराबरीमा सकिएको खेलमा दोस्रो हाफमा बार्सिलोनाले आक्रमणको गति बढायो । खेलको ७०औँ मिनेटमा राफिन्हाले शानदार गोल गर्दै टोलीलाई अग्रता दिलाए । त्यसपछि ८६ औँ मिनेटमा उनले व्यक्तिगत दोस्रो गोल गर्दै बार्सिलोनाको जित सुनिश्चित गरे ।