१० प्रतिशत सेवा निःशुल्क उपलब्ध गराउनुपर्ने सरकारी निर्णय कार्यान्वयन नगर्ने अडान

निजी अस्पताल सञ्चालकहरूले कुल शय्याको १० प्रतिशत सेवा निःशुल्क उपलब्ध गराउनुपर्ने सरकारी निर्णय कार्यान्वयन नगर्ने अडान लिएका छन्। निजी अस्पतालहरूको छाता संगठन एसोसिएसन अफ प्राइभेट इन्स्टिच्युसन अफ नेपाल (अफिन) ले सरकारको नयाँ व्यवस्थाप्रति असहमति जनाउँदै कार्यान्वयन गराउन खोजिए अस्पताल बन्द गर्न बाध्य हुने चेतावनी दिएको छ।

अफिनका अध्यक्ष डा. पदमबहादुर खड्काले निजी क्षेत्रसँग पर्याप्त छलफल र सहमतिबिना एकतर्फी रूपमा कार्यविधि लागू गर्न खोजिएको आरोप लगाए। उनले यस्तो व्यवस्था व्यवहारिक नभएको दाबी गर्दै सरकारको निर्णयप्रति गम्भीर आपत्ति जनाएका छन्।