आफ्नो गीतको शिर्षक चोरी भएको बिष्णुको आरोप

काठमाडौं । लोक गायक बिष्णु खत्रीले आफ्नो गीतको शिर्षकको प्रतिलिपि अधिकार हनन भएको बताएका छन् । आईतबार सञ्चारकर्मीसँग कुरा गर्दै यी गायकले हालै बजारमा आएको गीत दुना टपरी…ले आफ्नो गीतको शिर्षक सम्बन्धि बौद्धिक अधिकार हनन गरेको बताएका हुन् ।

गायक खत्रीको डेढ दशक अघि ‘दुना टपरी…’मा गीत सार्वजनिक गरेका थिए । यो शिर्षकको थेगो, लय र नामसँग मिलाएर अन्य गीत सार्वजनिक गर्न नपाउने र सार्वजनिक गरे कानुनी कारबाहीमा जाने चेतावनी दिएका थिए । उनले लय तथा शब्दसँगै यो नाममा पनि प्रतिलिपि अधिकार दर्ता गराएका थिए ।