भरतपुरमा रेनुको मत ५० हजार नाघ्याे
ekantipur.com · Tue May 24 00:00:50 GMT 2022
चितवन — भरतपुर महानगरपालिकामा मेयर, उपमेयर पदमा सत्तारूढ गठबन्धनका उम्मेदवार निकै फराकिलाे मतान्तरले अग्रता लिइरहेका छन् । भरतपुरमा अब ३ हजार जति मत गन्न बाँकी छ । गठबन्धनबाट मेयर, उपमेयर दुवैले ५० हजार मत कटाएका छन् । मेयर पदमा एमालेका उम्मेदवार विजय सुवेदीले याे पटक ल्याएकाे मत अघिल्लाे पटक २०७४ सालकाे स्थानीय तह निर्वनचनमा एमालेका उम्मेदवारले ल्याएकाे भन्दा कम मत आउने देखिएकाे छ ।
भरतपुरमा साेमबार रातिसम्म कुल १ लाख २४ हजार ४४ मत गणना हुँदा रेनु दाहालकाे ५० हजार ३ सय १० र एमालेका विजय सुवेदीकाे ३८ हजार २ सय ९६ मत आएकाे छ । रेनुले गन्न बाँकी रहेकाे भन्दा पनि तेब्बर १२ हजार १४ मतले अगाडि छन् ।
स्रोतमा पूरा पढ्नुहोस् (ekantipur.com)