‘नेपालका कम्युनिस्ट कमजोर छैनन्’

चिनियाँ कम्युनिस्ट पार्टीको सिद्धान्त र विचारलाई विश्वभरका कम्युनिस्टले प्रेरणाको रूपमा लिन्छन् । चिनियाँ कम्युनिस्ट पार्टीको महाधिवेशन कात्तिक ५ गते सम्पन्न भएको छ । त्यसले विश्वभरका कम्युनिस्ट पार्टीहरूलाई उत्साहित बनाएको मात्र होइन, त्यो महाधिवेशनले विश्वकै ध्यान तानेको थियो । यो महाधिवेशनले चिनियाँ राष्ट्रपति सी जिनपिङलाई तेस्रो कार्यकालका निम्ति अनुमोदन गरेको छ भने उनको नेतृत्वमा २०५ सदस्यीय केन्द्रीय कमिटी चयन गरेको छ । चिनियाँ कम्युनिस्ट पार्टीको सम्पन्न महाधिवेशनले नेपालका कम्युनिस्ट पार्टीलाई समेत उत्साहित बनाएको छ ।

नेपालमा प्रतिनिधिसभा र प्रदेशसभाको चुनाव हुन गइरहेको छ । केही कम्युनिस्ट पार्टीहरू चुनावमा छन् भने केहीले बहिष्कार गरेका छन् । चिनियाँ कम्युनिस्ट पार्टीको प्रभाव नेपालका कम्युनिस्ट पार्टीमाथि स्वाभाविक रूपमा पर्ने गरेको देखिन्छ । चिनियाँ कम्युनिस्ट पार्टीलाई आफ्नो प्रेरणाको स्रोत भन्ने नेपालका कम्युनिस्ट पार्टीले चिनियाँ कम्युनिस्ट पार्टीको महाधिवेशनलाई कसरी लिएको छ, चीन र नेपालबीचको सम्बन्ध कस्तो रहनेछ, लगायतका विषयमा रातोपाटीले नेकपा माओवादी केन्द्रका महासचिव देव गुरुङसँग कुराकानी गरेको छ । प्रस्तुत छ, गुरुङसँग गरिएको कुराकानीको सम्पादित अंश: