१० बजे १० समाचार : रविलाई नै सभापति चुन्ने तयारीमा रास्वपा, पार्टीमा विवाद नरहेको सन्देश प्रवाह

काठमाडौँ । आज मिति २०८३ साल असार महिनाको ७ गते आइतबार । आज दिनभरका मुख्यमुख्य घटनाक्रमसहित रातोपाटीको रात्रिकालीन प्रस्तुती ‘रातोपाटी ब्रिफिङ’ मा ‘१० बजे १० समाचार’ लिएर हाजिर भएका छौँ । आज रातोपाटी ब्रिफिङ रास्वपाको आइतबारदेखि सुरु भएको महाधिवेशन केन्द्रित छ ।

१. रास्वपाको महाधिवेशन उद्घाटन

पार्टी गठन भएको करिब चार वर्षमा राष्ट्रिय स्वतन्त्र पार्टी (रास्वपा) को पहिलो राष्ट्रिय महाधिवेशन सुरु भएको छ।

चितवनको भरतपुरस्थित उद्योग वाणिज्य सङ्घको खुला चौरमा तयार मञ्चमा आइतबार पार्टी सभापति रवि लामिछाने र प्रधानमन्त्री समेत रहेका वरिष्ठ नेता बालेन्द्र (बालेन) शाहले महाधिवेशनको संयुक्त रूपमा घण्टी बजाएर उद्घाटन गरेका हुन्।

रवि र बालेनले घण्टी बजाएर गरे रास्वपाको महाधिवेशन उद्घाटन, तस्बिरहरू

२. रविलाई नै सभापति चुन्ने तयारी

रास्वपाले रवि लामिछानेलाई नै सभापति चुन्ने तयारी गरेको छ । रास्वपाको उद्घाटन समारोहमा नेताहरुले समेत रवि नै सभापति हुने बुझेको भन्दै अग्रिम शुभकामना दिएका थिए । महाधिवेशन मंगलबार नयाँ नेतृत्व चयन गर्दै सम्पन्न हुनेछ ।

रास्वपा स्थापनाको चार वर्षमा रवि झन् शक्तिशाली बन्दै

बालेनजी गोल हान्नुस्, म बल पास गर्छु : रवि लामिछाने (पूर्णपाठ)

सरकारबारे प्रश्न उठाउनेलाई बालेनको जवाफ : हाम्रो ‘एक्सप्रेस वे’ मा हिँडेको गाडी हो, गन्तव्यमा पुगेपछि ब्रेक लाग्छ

३. उद्घाटन समारोहमा कसले के भने ?

उद्घाटन समारोहमा कांग्रेस, नेकपा, एमालेसहितका नेताहरुले पुगेर शुभकामना सन्देश दिएका थिए । यस्तै सभापति र प्रधानमन्त्रीबाहेक पार्टीकै अन्य नेताहरुले पनि सम्बोधन गरेका थिए ।

रास्वपालाई नेपालमा राजा चाहिन्छ भन्नेहरुको पनि भोट छ : राजेन्द्र लिङ्देन

रास्वपालाई वर्षमानको सुझाव– थिति बसाउन चालिएका कदमहरू विधिसम्मत र संविधानभन्दा बाहिर नहोस्

रास्वपा कांग्रेसको प्रतिस्पर्धी हो, दुस्मन होइन : गगन थापा

रास्वपालाई एमाले नेता ज्ञवालीको सुझाव : गाडीमा एक्सिलेटरसँगै ब्रेक पनि चाहिन्छ, दुर्घटनाबाट जोगिनुहोला

मुलुक परिवर्तनका लागि रास्वपाले विकृति र विसंगति अन्त्य गर्न सकोस् : उपेन्द्र यादव

रास्वपाको राजनीतिक पुनर्जागरणको प्रारम्भ भयो : स्वर्णिम वाग्ले (पूर्णपाठ)

रास्वपा महाधिवेशनलाई डा. सीके राउतले भने– यो क्रान्तिको महोत्सव पनि हो

४. मनमुटाव नभएको सन्देश प्रवाह

राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशनको उद्घाटन समारोहमा पार्टी सभापति रवि लामिछाने र वरिष्ठ नेता तथा प्रधानमन्त्री बालेन्द्र शाहले आफूहरूबिच कुनै मनमुटाव नरहेको सन्देश दिने प्रयास गरेका छन् ।

उनीहरुले एकताबद्ध भएर देश विकासको अभियानमा अघि बढ्ने प्रतिबद्धता समेत जनाएका छन्। आइतबार भरतपुरमा आयोजित उद्घाटन समारोहलाई सम्बोधन गर्दै दुवै नेताले पार्टीभित्रको एकता, सुशासन र विकासलाई आगामी कार्यदिशाको केन्द्रमा राख्ने बताएका हुन्।

पार्टीमा विवाद नभएको सन्देश दिने रवि–बालेनको प्रयास

रास्वपा महाधिवेशनको उद्घाटन सत्रबाट रवि र बालेनले दिएका सन्देश

५. रोचक दृश्य

पार्टीको महाधिवेशन उद्घाटन समारोहमा केही रोचक दृश्य पनि देखिए । उद्घाटन समारोहमा सबैभन्दा आकर्षणको केन्द्र सभापति रवि र वरिष्ठ नेता बालेन नै थिए । रास्वपामा समायोजन भएपछि पार्टी गतिविधिमा विरलै देखिएका बालेन महाधिवेशनमा सहभागी हुन्छन् कि हुँदैनन् रु सहभागी भएपछि सम्बोधन गर्छन् कि गर्दैनन् भन्नेमा धेरैको चासो थियो ।

रास्वपा महाधिवेशनमा रोचक दृश्यः रवि–बालेनको डमीदेखि मोही माग्नेको हारालुछ

६. रविको राजनीतिक यात्रा सहज

राष्ट्रिय स्वतन्त्र पार्टी (रास्वपा) का सभापति रवि लामिछानेमाथि लगाइएको सम्पत्ति शुद्धीकरण र संगठित अपराधसम्बन्धी मुद्दा चार वटा जिल्ला अदालतबाट संशोधन भएसँगै उनको राजनीतिक यात्रा सहज बनेको छ ।

सम्पत्ति शुद्धीकरण मुद्दा र संगठित अपराध सम्बन्धी अभियोगका कारण राजनीतिक रूपमै अप्ठ्यारोमा पर्दै आएका लामिछानेलाई चार वटा जिल्ला अदालतले कसुर फिर्ताका लागि अनुमति दिइसकेका छन् । उनीमाथि अब सहकारी ठगीको अभियोगमा मात्र मुद्दा अघि बढाइने छ ।

चार अदालतबाट मुद्दा संशोधनपछि रवि लामिछानेको राजनीतिक यात्रा सहज दिशा उन्मुख

७. निर्वाचन समिति

राष्ट्रिय स्वतन्त्र पार्टी (रास्वपा) ले पार्टीको पहिलो ऐतिहासिक राष्ट्रिय महाधिवेशनलाई व्यवस्थित, निष्पक्ष र पारदर्शी रूपमा सम्पन्न गर्नका लागि २२ सदस्यीय निर्वाचन समिति गठन गरेको छ ।

पार्टीको केन्द्रीय निर्वाचन आयोगले एक सूचना जारी गर्दै महाधिवेशनका लागि आवश्यक सांगठनिक संरचना तयार गरेको जानकारी दिएको हो । पार्टीद्वारा सार्वजनिक विवरणअनुसार १० सदस्यीय केन्द्रीय निर्वाचन आयोग र त्यसअन्तर्गत रहने गरी १२ सदस्यीय ‘राष्ट्रिय महाधिवेशन निर्वाचन समिति–२०८३’ गठन गरिएको छ ।

रास्वपाद्वारा २२ सदस्यीय महाधिवेशन निर्वाचन समिति गठन

८. रास्वपा मधेस

राष्ट्रिय स्वतन्त्र पार्टी (रास्वपा) को प्रथम केन्द्रीय महाधिवेशन चितवनको भरतपुरमा जारी छ । स्थापनाको चार वर्षमा देशकै शक्तिशाली पार्टी बन्न सफल भएको रास्वपाले नयाँ नेतृत्व चयनका लागि निर्वाचन आयोगले चुनावी कार्यतालिका घोषणा गरिसकेको छ ।

महाधिवेशन अगाडि चार हजार ३६३ वडा, ६०९ पालिका र ६४ जिल्ला अधिवेशन सम्पन्न हुँदा विवादका कारण सिङ्गो मधेसले निर्वाचित महाधिवेशन प्रतिनिधि ल्याउन सकेन । दुई पक्षीय झडप तथा तोडफोडले शान्ति सुरक्षामा चुनौती देखिएका कारण निर्वाचन आयोगले अधिवेशनका सम्पूर्ण गतिविधि स्थगित गर्‍यो ।

मनिष झासँग मधेसी नेताहरू असन्तुष्ट, तीन वर्षअघि नै यस्तो भएको थियो निर्णय

९. मुकुलको गुनासो

राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकालले पार्टीको पहिलो महाधिवेशनमा नबोलाइएको भन्दै असन्तुष्टि जनाएका छन् ।

आइतबार सामाजिक सञ्जाल फेसबुकमा स्ट्याटस लेख्दै ढकालले पार्टी स्थापना गर्ने व्यक्तिलाई महाधिवेशनमा निम्तो नगरिएको भन्दै असन्तुष्टि जनाएका हुन् ।

पार्टी स्थापना गर्ने म महाधिवेशनको निम्तो सूचीमा समेत परिनँ : मुकुल ढकाल

१०. केही फोटो फिचर

रास्वपाको महाधिवेशनबारे आइतबार बिहानैदेखि विभिन्न फोटो फिचर छापिए । जुन यसप्रकार छन्-

रास्वपाको महाधिवेशनस्थलमा रवि–बालेनको डमी, तस्बिरहरु

रास्वपा महाधिवेशन हलबाहिरको दृष्यः कोही भाषण सुन्दै, कोही शौचालय र मोहीको लाइनमा !

रास्वपा महाधिवेशनः सहभागीलाई वितरण गरेर मोहीको प्रवर्द्धन (फोटोफिचर)

२० तस्बिरमा हेर्नुहोस् रास्वपाको उद्घाटन सत्र

रास्वपा महाधिवेशन उद्घाटनमा गगनदेखि सीके राउतसम्म सहभागी, तस्बिरहरू

रास्वपा महाधिवेशन उद्घाटन अघिको माहोल, तस्बिरमा हेर्नुहोस्

रास्वपा महाधिवेशनस्थलमा सेना र पुलिसको बम स्क्वाड टोलीले गर्‍यो चेकजाँच (तस्बिरहरु)

रास्वपा महाधिवेशन स्थलतर्फ सवारी साधन प्रवेशमा रोक, चितवनको सुरक्षा व्यवस्था कडा (तस्बिरहरु)

रास्वपाको महाधिवेशन स्थल जलमग्न (तस्बिरहरू)

अन्य समाचार लिंक

रास्वपाको पहिलो ऐतिहासिक महाधिवेशन उद्घाटन : सबै अपडेट एकैठाउँमा

उपत्यका बर्डफ्लुको ‘हटस्पट’ : ६ लाख कुखुरा र १० लाखभन्दा बढी अण्डा नष्ट

हाकिमका घर जोगाउन सिंहदरबारको जग्गामा बाटो

विश्वकप फुटबल : ९६ वर्षका १००० खेलमा कोरिएका इतिहासको नालीबेली

‘भ्रष्टाचार अन्त्य गरी सुशासन ल्याउने काममा साथ दिन सांसद बनेको हुँ’