स्पेनको आक्रामक सुरुवात, साउदी अरेबियाविरुद्ध ३–० को अग्रता

काठमाडौँ । फिफा विश्वकप २०२६ अन्तर्गत समूह ‘एच’ को आफ्नो दोस्रो खेलमा स्पेनले साउदी अरेबियाविरुद्ध सानदार प्रदर्शन गरिरहेको छ । पहिलो खेलमा केप भर्डसँग बराबरीमा रोकिएर अंक बाँडेको स्पेन आज मर्सिडीज–बेन्ज स्टेडियममा पहिलो जितको खोजीमा निकै आक्रामक रूपमा मैदान उत्रिएको छ ।

खेलको सुरुवातदेखि नै साउदी टोलीमाथि दबाब बनाएको स्पेनले ३८ मिनेटको खेल सकिँदासम्म ३–० को सहज अग्रता बनाइसकेको छ । स्पेनका लागि युवा स्टार लामिन यामलले खेलको १० औँ मिनेटमा गोल गर्दै टोलीलाई सुरुवाती अग्रता दिलाएका थिए ।

त्यसपछि अग्रपंक्तिका खेलाडी मिकेल ओयार्जाबाल चम्किएका छन् । उनले मात्र ३ मिनेटको अन्तरालमा दुई गोल गर्दै स्पेनको अग्रतालाई बलियो बनाए । ओयार्जाबालले खेलको २१ औँ र २४ औँ मिनेटमा लगातार गोल गरेपछि साउदी अरेबियाको रक्षापंक्ति दबाबमा परेको छ ।