संरक्षणकर्मी आचार्यलाई बेलायतको प्रसिद्ध ह्वीट्ली अवार्ड

लाटोकोसेरोको संरक्षणमा काम गर्दै आएका संरक्षणकर्मी राजु आचार्य बेलायती संस्था ह्वीट्ली फन्ड फर नेचरले प्रदान गर्ने पुरस्कारबाट पुरस्कृत भएका छन्।

प्रकृतिका साथीहरू संस्थाका संस्थापक आचार्यले सरकारले लागू गरेको दशवर्षे लाटोकोसेरो कार्ययोजना निर्माण र कार्यान्वयनमा प्रभावकारी काम गरेका थिए। कार्ययोजनाले लाटोकोसेरोको अवैध शिकार तथा व्यापार र वासस्थान जोगाउन मार्गनिर्देश गरेको छ।