स्याङ्जाको अर्जुनचौपारीमा ‘नेपालकै पहिलो’ नवग्रह मन्दिर

वालिङ । स्याङ्जाको अर्जुनचौपारी गाउँपालिका धार्मिक पर्यटनको हब बन्ने भएको छ । वडा नम्बर १ मा (नेपालमै पहिलोपटक) नवग्रह मन्दिर निर्माण भएसँगै अर्जुनचौपारी धार्मिक पर्यटनको हब बन्ने भएको हो । नेपाल कै पहिलो नवग्रह मन्दिर बनाउने र पालिकालाई धार्मिक पर्यटनको हब बनाउने योजना अनुरुप नवग्रह मन्दिरका निर्माण गरिएको अध्यक्ष प्रकाश तिवारीले बताए ।

विभिन्न शक्तिपीठहरुमा एक छेउमा नवग्रहको प्रतिमा राखेर पुजा गर्ने गरिएता पनि देश विदेशमा सिद्धिप्राप्त योगीहरुले यो ठाउँमा नवग्रह मन्दिर निर्माण गर्नु अत्यन्तै उपयुक्त हुने सल्लाह दिए अनुरुप नवग्रह मन्दिर निर्माण गरिएको तिवारीले जानकारी दिए ।