एटलेटिको मड्रिड कोपा डेल रे’को सेमिफाइनलमा

काठमाडौं । गिउलिआनो सिमोनको महत्वपूर्ण दुई गोल मद्दतले एटलेटिको मड्रिड कोपा डेल रे फुटबलको सेमिफाइनलमा पुगेको छ । घरेलु मैदानमा गेटाफेलाई ५-० गोल अन्तरले हराउँदै एटलेटिको मड्रिड सेमिफाइनलमा पुगेको हो ।

सिमोनले खेलको ८ औं मिनेट मै टोलीलाई अग्रता दिलाएका थिए । उनले १७ औं मिनेटमा व्यक्तिगत दोस्रो गोल गरे । पहिलो हाफअघि श्यामुएल लिनोले एक गोल थपे भने दोस्रो हाफमा एन्जेल कोरिया र एलेसान्डर सोरलोथले एक-एक गोल गरे ।