त्रिवि क्रिकेट मैदानमा आमनेसामने हुँदै नेपालका दुई सफल प्रशिक्षक

काठमाडौं- नेपालले आजदेखि क्यानडा विरुद्ध अन्तर्राष्ट्रिय एकदिवसीय शृङ्खला खेल्दैछ । किर्तिपूरस्थित त्रिवि क्रिकेट मैदानमा हुने तीन खेलको शृङ्खला आज शुरु भएर माघ २९ गतेसम्म सञ्चालन हुनेछ ।

नेपाल र क्यानडाबीच आज पहिलो खेल हुनेछ भने दोस्रो खेल यहि माघ २७ र अन्तिम खेल माघ २९ गते हुनेछ । आइसीसी विश्वकप क्रिकेट खेल्न छनोट भएको नेपालले त्यसको तयारी स्वरुप शृङ्खला खेल्न लागेको हो । नेपालले रोहित पौडेलको कप्तानीमा १५ सदस्यीय टोली घोषणा गरिसकेको छ ।