उद्घाटन भाषणमा रवि र बालेनले दिएको सन्देश– सरकार बालेनले चलाउने, पार्टी रविले!

सत्तारूढ राष्ट्रिय स्वतन्त्र पार्टी (रास्वपा) को पहिलो महाधिवेशन उद्घाटन समारोहमा बोल्दै सभापति रवि लामिछाने र प्रधानमन्त्री तथा वरिष्ठ नेता बालेन शाहले धेरैको मनमा रहेको एउटा शंका चिर्ने कोसिस गरेका छन्।

रास्वपाभित्र बालेन समूह मिसिएपछि पार्टी दुई गुटमा विभाजित हुने र दुई शीर्ष नेताको टकरावले पार्टी र सरकार सञ्चालनमा अवरोध आउन सक्ने आशंका धेरैमा छ। सर्वसाधारण मात्र होइन, कतिपय रास्वपा कार्यकर्ताहरूलाई पनि यस्तो होला कि भन्ने डर छ।