स्पेनले गोलको खडेरी तोड्दा साउदी अरब फराकिलो अन्तरले स्तब्ध

काठमाडौं । विश्वकपमा समूह चरणको दोस्रो खेलमा स्पेनले उत्कृष्ट पुनरागमन गरेको छ । पहिलो खेलमा केपभर्डेसँग गोलरहित बराबरीमा रोकिएको स्पेनले साउदी अरबको पोस्टमा गोल वर्षा गरेको छ ।

स्पेन सुरूदेखिनै आक्रामक रूपमा प्रस्तुत भएको थियो । १० औँ मिनेटमा लेमिन यामलले पहिलो गोल गर्दै स्पेनलाई अग्रता दिलाए । खेलको २१ औँ र २३ औँ मिनेटमा मिकाइल आर्याजबलले गोल गर्दै ३-0 को अग्रता दिलाए ।

दोस्रो हाफको ४८ औँ मिनेटम स्पेनबाट भएको प्रहारलाई साउदीका गोलकिपर मोहम्मल एलोयिसले जोगाएका थिए । उनले हातले ठेलेको बललाई पोस्ट नजिकबाट क्लियर गर्न खोज्दा साउदीका हसन अल तम्कदीको खुट्टा ठोक्किएर आत्मघाति गोल हुन पुग्यो । ९० औँ मिनेटम स्पेनका फरान टोरेसले बललाई जाली चुमाए पनि भीआएर चेकबाट अफसाइड ठहर हुँदा गोलको मान्यता प्राप्त भएन ।

समूह चरणको पहिलो खेलमा केभर्डेविरुद्ध बराबरीमा रोकिँदै १ अंक जोडेको स्पेनले साउदी अरबसँगको जितपछि तालिकामा तीन अंक जोड्दै शीर्षस्थानमा रहेको छ । यसअघि उरुग्वेसँग साउदी अरब १-१ को बराबरीमा रोकिएको थियो ।

#स्पेन

#फिफा

#विश्वकप

#साउदी अरब