६ वर्ष लगाएर तयार गरियो ‘प्रतिरक्षा विश्वविद्यालय’ स्थापनासम्बन्धी विधेयकको मस्यौदा

काठमाडौँ। राष्ट्रिय प्रतिरक्षा विश्वविद्यालय पूर्वाधार निर्माण विकास समिति गठनको ६ वर्षपछि ‘राष्ट्रिय प्रतिरक्षा विश्वविद्यालय स्थापना तथा व्यवस्थापनसम्बन्धी विधेयक’ को मस्यौदा तयार भएको छ।

रक्षा मन्त्रालयले मस्यौदामा तयार गरी सम्बन्धित निकायको परामर्श लिइसकेको जनाएको छ। मन्त्रालयको गत जेठको प्रगति विवरणमा ‘राष्ट्रिय प्रतिरक्षा विश्वविद्यालय स्थापना तथा व्यवस्थापनसम्बन्धी विधेयक शिक्षा तथा खेलकुद मन्त्रालय, विश्वविद्यालय अनुदान आयोग र अर्थ मन्त्रालयबाट राय/सुझाव लिई प्राप्त सहमतिअनुसार संशोधनका लागि कानुन, न्याय तथा संसदीय मामिला मन्त्रालयमा पठाउने क्रममा रहेको’ भनिएको छ।