पार्टीमा पुनःसंरचना गर्ने घोषणालगत्तै रवि कारागारमा, यस्तो थियो तयारी

राष्ट्रिय स्वतन्त्र पार्टीको सभापतिका रूपमा पाँच महिनापछि घण्टीघर प्रवेश गरेका रवि लामिछानेले चैत १८ गते एक दिन मात्र बैठकको अध्यक्षता गर्न पाए । त्यसको पाँचौँ दिन पुनः पक्राउ परिहाले ।

हुन त रविका लागि पक्राउ पर्नु र छुट्नु सामान्य भइसकेको छ । पाँच वर्षअघि सहकर्मी शालिकराम पुडासैनीको आत्महत्याका कारण पक्राउ परेका उनले त्यहीकारण जनसहानुभूति पाए र राजनीतिमा आए । पाँच महिनाअघि पनि झण्डै तीन महिना हिरासतमा बिताएकै हुन् ।