४/१२ लाई हटाउने सङ्केट गर्दै अर्थमन्त्रीले भने "कति कुरा मौद्रिक नीति मार्फत आउलान"

अर्थमन्त्री जनार्दन शर्माले मौद्रिक नीति मार्फत ४/१२ को नीति परिवर्तन हुन सक्ने संकेत गरेका छन् । नेपाल आर्थिक संघ, अर्थ मन्त्रालय र बैंक तथा वित्तीय संस्था परिसंघ नेपालले संयुक्त रुपमा आयोजना गरेको बजेटबारे अन्तरक्रिया कार्यक्रममा अर्थमन्त्री शर्माले उक्त कुरा इसारा गरेका हुन्।

अर्थमन्त्रीले बजेटमा रहेको बुँदा नं. ३३२ लाई इंगित गर्दै भने "के यो विषय पूंजी बजारको महत्वपूर्ण होइन ? तेस्तै मन्त्री शर्माले आफुहरुले नेपाल विद्युत प्राधिकरणको पनि साधारण सेयर निस्काशन गर्न रेटिङ्ग भैसकेको, गैर आवासीय नेपालीलाई पनि धितोपत्रमा प्रवेश गराउने कुराहरु र बाहिर प्रवेश गर्न पुगेका श्रमिक दाजु भाइ प्राथमिक रुपमा १० प्रतिशत छुटाउने कुरा बजेटमा राखेकोले अब पुजीबजारको विस्तार हुनेमा जोड दिए।