‘भिएआर’ले खोस्यो इरानको अग्रता: बेल्जियम र इरानबिचको पहिलो हाफ गोलरहित बराबरीमा

काठमाडौँ । फिफा विश्वकप २०२६ को समूह ‘जी’ अन्तर्गतको दोस्रो खेलमा युरोपेली पावरहाउस बेल्जियम र एसियाली प्रतिद्वन्द्वी इरानबिचको पहिलो हाफ गोलरहित बराबरीमा सकिएको छ । अमेरिकाको लस एन्जसल मैदानमा जारी प्रतिस्पर्धामा दुवै टोलीले आक्रामक खेल पस्किए पनि गोल गर्न भने सकेनन् ।

खेलको पहिलो हाफमा इरानले अग्रता लिने सुन्दर मौका पाएको थियो । खेलको २७ औँ मिनेटमा इरानी खेलाडीले गोल गर्दै टोलीलाई सुरुवाती अग्रता दिलाएको संकेत गरेका थिए । तर, भिडियो असिस्टेन्ट रेफ्रीको रिभ्युपछि उक्त गोललाई मान्यता दिइएन । ‘भिएआर’ले इरानको गोललाई रद्द गरेपछि बेल्जियमले राहत महसुस गरेको थियो ।