असार लागेपछि योजना अनुगमन तीव्र

हुम्ला – असार लागेसँगै निर्माण सम्पन्न भएका र निर्माणाधीन योजनाको अनुगमन गर्ने कार्यलाई जिल्लाभर तीव्रता दिइएको छ। विशेष गरी स्थानीय तहमा गाउँपालिका उपाध्यक्षको संयोजकत्वमा अनुगमन समिति गठन हुने र सो समितिको संयोजकको अन्तिम भुक्तानीका लागि सिफारिस अनिवार्य गरिएका कारण प्रत्येक योजनाको निर्माणस्थलमा पुगेर अनुगमनलाई तीव्रता दिइएको हो।