टिकटकको मातृ कम्पनी बाइटडान्सले एआई विस्तारका लागि आफ्नै सीपीयु चिप विकास गर्दै

काठमाडाैँ । टिकटकको मातृ कम्पनी बाइटडान्सले आफ्नो बढ्दो आर्टिफिसियल इन्टेलिजेन्स (एआई) पूर्वाधार आवश्यकताहरू पूरा गर्न आफ्नै सेन्ट्रल प्रोसेसिङ युनिट (सीपीयु) विकास गर्ने भएको छ । चिपको मूल्यमा तीव्र वृद्धि र लामो समयको आपूर्ति अभावका कारण कम्पनीको विस्तार योजनामा दबाब परेपछि आफ्नै सीपीयु विकासमा लागेको स्रोतहरुलाई उद्धृत गर्दै समाचार एजेन्सी रोयटर्सले लेखेको छ ।

यो कदमले एआई उद्योग “इन्फरेन्स” तर्फ तीव्र रूपमा सर्दै गएको संकेत गर्छ । इन्फरेन्स भन्नाले एआई मोडेलहरूलाई व्यवहारिक तथा स्वचालित (एजेन्टिक) काममा प्रयोग गर्ने प्रक्रिया हो, जसले सीपीयु माथि थप दबाब सिर्जना गर्छ । यी सीपीयुहरूले एआई क्षेत्रमा प्रभुत्व जमाइरहेका एनभिडियाका ग्राफिक्स चिपसँग मिलेर काम गर्छन् ।