केपिलासगढीमा प्रभाकारी बन्दै ‘बुहारी शिक्षा’ कार्यक्रम

खोटाङ । खोटाङको केपिलासगढी गाउँपालिका–२ खार्ताम्छाकी एलिना राईले वि.सं. २०७६ सालमा कुहुडाँडा माध्यमिक विद्यालय फेदीबाट माध्यमिक शिक्षा परीक्षा (एसइई) उत्तीर्ण गरेकी थिइन् । त्यसको केही समयपछि नै उनी सोही ठाउँका दिनेश साम्पाङसँग विवाह बन्धनमा बाँधिइन् ।

विवाह लगत्तै लगातार दुई सन्तान जन्माएकी एलिनाको पढाइ त्यहीं रोकिएको थियो । हाल उनको छोरा कक्षा–३ र छोरी कक्षा–२ मा पृथ्वी माध्यमिक विद्यालय बाक्सिलामा अध्ययनरत छन् । तर एसइई उत्तीर्ण गरेको चार वर्षपछि छोराछोरीसँगै आफ्नो पढाइलाई पुनः निरन्तरता दिएकी एलिनाले यस वर्ष २.८४ जिपिए ल्याएर कक्षा–१२ उत्तीर्ण गरेकी छन् ।