मर्दैछन् सुमात्राका हात्तीहरू, पृथ्वीकै दुर्लभ जीव जोगाउने हाम्रो संघर्ष

इन्डोनेसियाको बेङ्कुलु प्रान्तमा पर्ने दक्षिणी सुमात्राको एक ‘उत्पादन वन’ (व्यावसायिक हिसाबले व्यवस्थित गरिएको जंगल क्षेत्र)मा दुई वटा हात्ती मृत फेला परे ।

एउटा माउ हात्ती र उसको छावा आफ्ना दाह्रा सग्लै भएकै अवस्थामा एकअर्काको छेउमा लडिरहेका थिए । दाह्रा सुरक्षित भएकाले उनीहरूलाई तस्करहरूले मारेका हुन् भन्ने सम्भावना निकै कम छ ।