लोकदोहोरीमा जमेकी सरिता सारु मगर

पोखरा । चिप्लेढुंगास्थित निरमाया दोहोरी साँझमा पुग्नेहरु एक समय जो कोही पनि सरिता सारु मगरको स्वरमा गीत सुन्न चाहन्थे । कतीपय त त्यहाँ पुगेपछि उनीसँग दोहोरी नखेली फर्कन समेत मान्दैन थिए । अहिले सरिता सारु मगर लोक तथा दोहोरी क्षेत्रमा एक परिचित नाम भईसकेको छ । नेपाल मगर सांस्कृतिक संघ जिल््ला समन्वय संघ कास्की अध्यक्षसमेत रहेकी सारु मगर १६ वर्षदेखि सांगीतिक क्षेत्रमा क्रियाशील छिन् ।

उनले ‘यो जिन्दगी के छ र’, ‘तानेर लैजाउँ कि क्या हो’, ‘अभागिनी’, ‘तिमी अनि म’, ‘सालैजो’, ‘झल्को आउँछ, रुन मन लाउँछ’ लगायतका दर्जनौ लोक दोहोरी भाकाहरु स्रोत दर्शकमाझ ल्याइसकेकी छन् ।