कोप–२६मा प्रधानमन्त्री देउवाको सम्बोधन, हिमाली क्षेत्रमा देखिएको जलवायु सङ्कटबारे विश्वको ध्यानाकर्षण

काठमाडौं । प्रधानमन्त्री शेरबहादुर देउवाले जलवायु सम्बन्धी हरेक छलफलमा हिमालय मुद्दालाई उच्च प्राथमिकतामा राख्न आग्रह गरेका छन् ।

जलवायु परिवर्तनसम्बन्धी २६ औँ अन्तर्राष्ट्रिय सम्मेलन (कोप–२६) मा सम्बोधन गर्दै उनले औसतभन्दा तापमान उच्च हुँदा हिमाली क्षेत्रमा हिमतालहरु सुकेर जान थालेकाले जलवायु सङ्कटलाई पहिचान गर्न विश्वका नेताहरुलाई उनले ध्यान आकृष्ट गरेका हुन् । उनले हिमतालहरु पग्लेर समुद्री सतह बढ्न जाँदा तटीय र टापू राष्ट्रहरुको अस्तित्व सङ्कटमा पर्न थालेको बताए ।