दल त्याग गर्ने कांग्रेसका दुई वडाध्यक्ष पदमुक्त

गुल्मी । गुल्मीमा दल त्याग गर्ने नेपाली कांग्रेसबाट निर्वाचित दुई वडाध्यक्ष पदमुक्त भएका छन् । जिल्लाको धुर्कोट गाउँपालिका–३ का वडाध्यक्ष पदम विष्ट र मुसिकोट नगरपालिका–२ का वडाध्यक्ष रविन्द्र केसी पदमुक्त भएका हुन् । विष्टले गत भदौ २३ गते जेन्जी आन्दोलनका दिन र केसीले गत चैत १५ गते कांग्रेस परित्याग गरी रास्वपामा आवद्ध भएका थिए ।

दल त्याग गरेपछि कांग्रेसको केन्द्रीय कार्यसम्पादन समितिले कारवाहीको लागि निर्वाचन आयोगमा निर्णयसहितको पत्र पठाएपछि आयोगले दुवैजनालाई पदमुक्त गरेको हो । आयोगले जेठ १४ गते बुधबार एक सूचना जारी गर्दै पदमुक्त भएको जनाएको हो ।