कृषि यान्त्रिकीकरण अभियान: पौवादुङमाका ३४० किसानलाई ‘मिनिटिलर’

भोजपुर । भोजपुरको पौवादुङमा गाउँपालिकाले ३४० किसानलाई हाते टयाक्टर (मिनिटिलर) वितरण थालेको छ । कृषिमा यान्त्रिकीकरण प्रवद्र्धन गर्ने लक्ष्यसहित कृषकको माग र आवश्यकता मूल्याङ्कनका आधारमा पहिलो चरणमा १७० वटा हाते ट्याक्टर वितरण गरिएको हो ।

गाउँपालिकाले कुल ३४० किसानलाई ५० प्रतिशत लागत साझेदारीमा हाते ट्याक्टर उपलब्ध गराउने प्रमुख प्रशासकीय अधिकृत नवीन भट्टराईले जानकारी दिए । परम्परागत खेती प्रणालीलाई आधुनिकीकरणतर्फ रूपान्तरण गर्न यो कार्यक्रम प्रभावकारी बन्ने बताए ।