सरकारसँग ग्यासको गुणस्तर परीक्षण गर्ने ल्याब नै छैन, विस्फोट हुनबाट कसरी बच्ने ?

काठमाडौँ । बिहीबार कमलपोखरीस्थित सान्दार मःम पसलमा ग्यास पड्कियो । केशव श्रेष्ठको घरमा भाडामा सञ्चालनमा रहेको उक्त पसलमा बिहान अचानक दुर्घटना हुँदा त्यहाँ काम गर्ने ११ जना घाइते भए ।

जसमध्ये दुईको अवस्था गम्भीर रहेको प्रहरीले बताएको छ । जिल्ला प्रहरी परिसर काठमाडौँका एसपी अपिल बोहराका अनुसार तत्काल उद्धार गरी घाइतेलाई हिमाल अस्पताल पुर्‍याइएको थियो । त्यहाँ उपचारपछि सबैलाई कीर्तिपुर बर्न सेन्टर लगिएको थियो।