फाइनल प्रवेशका लागि आज झापा र मोरङ भिड्दै

काठमाडौं । धनकुटामा जारी १८औं शहीद भीमनारायण गोल्डकप फुटबल प्रतियोगिताको दोस्रो सेमिफाइनल खेल आज (शुक्रबार) हुँदैछ। धनकुटाको तल्लो टुँडिखेलमा दिउँसो ४ बजेपछि सुरु हुने उक्त खेलमा बिर्तामोड युनाइटेड क्लब झापा र बेलबारी फुटबल क्लब मोरङबीच प्रतिस्पर्धा हुनेछ।

आजको खेलको विजेता टोलीले शनिबार हुने फाइनल उपाधिका लागि बिहीबार नै फाइनल पुगिसकेको आयोजक शहीद भीमनारायण स्मृति प्रतिष्ठानसँग प्रतिस्पर्धा गर्नेछ।