म्यान्मा जुन्ताद्वारा पूर्व कर्मचारीहरूलाई काममा फर्कन आह्वान

म्यान्माको जुन्ताले आइतबार पाँच वर्षअघि भएको कूको विरोधमा जागिर छोडेका पूर्व निजामती कर्मचारीहरूलाई काममा फर्किन आह्वान गर्दै अनुपस्थित कर्मचारीहरूलाई ‘कालोसूची’ बाट हटाउने वाचा गरेको छ ।

फेब्रुअरी १, २०२१ मा सेनाले विद्रोह गरेर सत्ता कब्जा गरेपछि चिकित्सक र सरकारी प्रशासकसमेत दशौँ हजार कर्मचारीले सविनय अवज्ञा आन्दोलनमा सामेल हुँदै आफ्नो पद छाडेका थिए । केहीले निजी रोजगारी पाएका थिए भने अरूले प्रजातन्त्र समर्थक विद्रोहीहरूसँग मिलेर गृहयुद्धमा भाग लिएका थिए । गृहयुद्धमा चारैतिरबाट धेरैको ज्यान गएको छ ।