सरकारी अनुदानले किसानलाई राहत, प्रविधिमैत्री खेतीमा छलाङ

मुगु । हिमाली जिल्ला मुगुका कृषकहरूले आधुनिक कृषि प्रविधि अपनाउँदै परम्परागत गोरु जोत्न छोडेर हाते ट्याक्टर तथा उपकरण प्रयोग गर्न थालेका छन् । सरकारी अनुदानले कृषि औजार प्रयोग गर्ने कृषक संख्या बढ्दै गएको हो ।

हिमाली जिल्ला मुगुका कृषकहरू आधुनिक कृषि यन्त्रतर्फ आकर्षित हुँदै गोरु छाडेर हाते ट्याक्टर प्रयोग गर्न थालेका छन् । राष्ट्रिय कृषि आधुनिकीकरण कार्यक्रममार्फत ५० प्रतिशत अनुदानमा उपकरण उपलब्ध भएपछि खत्याड क्षेत्रमा यसको प्रयोग बढेको छ ।