अपहरणमुक्त गराउन प्रहरीले बेवास्ता गरेको परिवारको आरोप, गृहमन्त्रीको राजीनामा माग

भारतको बिहार मामाघर गएका जनकपुरधामका दुई युवाको अपहरणपश्चात् हत्या भएपछि मृतकका परिवारजन र स्थानीय प्रदर्शनमा उत्रिएका छन् ।

जनकपुरधामको पिडारी चोकमा सोमबार दिनभर चक्काजाम गरी प्रदर्शन गरेका उनीहरूले गृहमन्त्री रवि लामिछानेको राजीनामासमेत मागेका छन् । उनीहरूले जिल्ला प्रहरी कार्यालय धनुषा घेराउसमेत गरे ।