रविन्द्रको उत्साह

मकाउ : नेपाली एमएमए फाइटर रविन्द्र ढाँट यूएफसीको छनोट प्रतियोगिता रोड टु युएफसी सिजन–५ को सेमिफाइनलमा प्रवेश गरेका छन्। मकाउस्थित ग्यालेक्सी एरिनामा बिहीबार भएको प्रतिस्पर्धामा जित निकाल्दै ढाँट सेमिफाइनलमा पुगेका हुन्।

फिलिपिन्सका किम्बर्ट अलिन्टोजोनलाई दोस्रो राउन्डमा नकआउट गर्दै रविन्द्रले ऐतिहासिक जित निकालेका हुन्। क्वाटरफाइनलको भिडन्तमा मैदानमा उत्रिएका रविन्द्रलाई हौसला बढाउन हङकङ र मकाउबाट सयौं नेपाली एरिनामा पुगेका थिए। ‘बझाङको बाघ’ उपनाम पाएका रवीन्द्र रोड टु यूएफसी फाइट जित्ने पहिलो नेपाली हुन्।