वाणिज्य नीति : व्यापार घाटा घटाउने, निर्यातमुखी अर्थतन्त्र निर्माण

काठमाडौं । सरकारले मुलुकको निरन्तर बढ्दो व्यापार घाटालाई रोक्दै आयात निर्भर अर्थतन्त्रलाई निर्यात प्रधान बनाउने दीर्घकालीन लक्ष्यसहित ‘वाणिज्य नीति, २०८१ को कार्यान्वयन कार्ययोजना’ कार्यान्वयनमा ल्याएको छ ।

उद्योग, वाणिज्य तथा आपूर्ति मन्त्रालयको मन्त्रीस्तरीय निर्णयबाट स्वीकृत यो कार्ययोजनाले संघीय, प्रदेश र स्थानीय तह तथा निजी क्षेत्रको समन्वयमा १६२ भन्दा बढी ठोस क्रियाकलाप समेटेर व्यापार क्षेत्रमा संरचनात्मक परिवर्तन ल्याउने मार्गचित्रसमेत बनाएको छ ।