सप्तरी २ मा १२ बर्षपछि संसदीय निर्वाचनमा रुख चुनाव चिन्हको ‘इन्ट्री’

राजविराज । आगामी फागुन २१ गते हुने प्रतिनिधिसभा सदस्यको निर्वाचनमा १२ बर्षपछि नेपाली काँग्रेसका समर्थकले सप्तरीको २ नम्बर क्षेत्रमा प्रत्यक्षतर्फ रुख चुनाव चिन्हमा मतदान गर्ने अवसर पाउने भएका छन् ।

२०७० सालको दोस्रो संविधानसभा निर्वाचन यता नेपाली काँग्रेसले कहिले अर्को दलका उम्मेदवारलाई समर्थन त कहिले गठबन्धनका कारण अर्कादलका उम्मेदवारलाई उक्त क्षेत्र छाड्दा काँग्रेका समर्थक रुख चुनाव चिन्हमा मतदान गर्नबाट बञ्चित भएका थिए ।