भावनाले भरिएको सामाजिक कथाको गौँथली

आगामी साउन १ गते रिलिजमा आउने सामाजिक कथाको फिल्म गौँथलीको टिजर सार्वजनिक गरिएको छ। सार्वजनिक टिजरले पारिवारिक सम्बन्ध, वैवाहिक जीवनको पीडा र आमाको ममता केन्द्रमा राख्दै कथावस्तुको संकेत गरेको छ।

टिजरमा छोरीको सुखद् भविष्यका लागि आमाले गरेको संघर्ष, विवाहपछि छोरीले भोग्नुपरेको व्यवहार र श्रीमान्को असामान्य स्वभावका कारण सिर्जिएको पीडालाई भावुक ढंगले प्रस्तुत गरिएको छ। पढाइ पूरा गर्ने चाहना हुँदाहुँदै विवाह गर्न बाध्य बनेकी युवतीले विवाहपछि भोग्नुपरेको कठिन अवस्थाले टिजरलाई संवेदनशील बनाएको छ।