वीरेन्द्रनगरमा अब भेरीको पानी

सुर्खेत । आगामी ३० वर्षसम्म वीरेन्द्रनगरमा वृद्धि हुन सक्ने जनसंख्यालाई मध्यनजर गरी खानेपानीको सहज आपूर्ति पु¥याउने लक्ष्यका साथ थालिएको भेरी पम्पिङ आयोजनाको काम धमाधम अघि बढेको छ ।

सोमबार बसेको मन्त्रिपरिषद् बैठकले आयोजना निर्माणका लागि जग्गाको भोगाधिकार दिने निर्णय गरेसंगै बाँकी कामले तिव्रता पाउने भएका छन् । नेपाल सरकारले वीरेन्द्रनगर नगरपालिकाका वडा नं ८, ११ र १२ तथा लेकबेशी नगरपालिका १० मा पर्ने ३.२ हेक्टर राष्ट्रिय वन क्षेत्रको जग्गा प्रयोग गर्न आयोजनालाई स्वीकृति दिएको हो ।