१० खेलाडीमा सीमित बेल्जियमले इरानलाई बराबरीमा रोक्यो

काठमाडौँ- फिफा विश्वकप २०२६ अन्तर्गत बेल्जियम र इरानबीच गएराति भएको खेल गोलरहित बराबरीमा टुंगिएको छ। अघिल्लो खेलमा पनि बराबरी खेलेका यी दुवै टोलीले समूह जीको दोस्रो खेलमा पनि गोलरहित बराबरी खेलेका हुन्।

खेलको २७ औँ मिनेटमा इरानले गरेको गोललाई रेफ्रीले अफसाइड भन्दै मान्यता दिएनन्। दोस्रो हाफको ६७ औँ मिनेटमा बेल्जियमका डिफन्डर नाथक एनगोय रातो कार्ड पाएर बाहिरिए। १० खेलाडीमा सीमित भएपछि बेल्जियम झन् दबाबमा परेको थियो। तर, उसले रक्षात्मक खेल्दै इरानबाट हुनसक्ने गोललाई राक्यो।