राप्रपा बैठक बहिष्कारबारे पूर्वअध्यक्षको स्पष्टीकरण: ‘पार्टी कमजोर भएको मूकदर्शक बनेर हेर्न सक्दैनौँ’

काठमाडौँ – राष्ट्रिय प्रजातन्त्र पार्टी (राप्रपा) को हालै सम्पन्न केन्द्रीय कार्यसमितिको बैठक बहिष्कार गरेका पूर्वअध्यक्षले संयुक्त वक्तव्य जारी गर्दै पार्टी नेतृत्वको कार्यशैलीप्रति गम्भीर असन्तुष्टि व्यक्त गरेका छन्। गत असार ५ र ६ गते काठमाडौँमा बसेको केन्द्रीय बैठकमा आफ्नो अनुपस्थितिलाई लिएर कार्यकर्तामा उब्जिएका आशङ्का निवारण गर्न भन्दै उनीहरूले ५ बुँदे स्पष्टीकरणसहितको वक्तव्य सार्वजनिक गरेका हुन्। राप्रपाका पूर्वअध्यक्ष पशुपति शमशेर राणा , डा. प्रकाशचन्द्र लोहनी र कमल थापाले संयुक्त विज्ञप्ति निकाल्दै यस्तो बताएका हुन् ।