“७५३ वटै पालिका जित्ने लक्ष्य” — श्रम संस्कृतिमार्फत विकास गर्ने दाबी

एक राजनीतिक कार्यक्रममा वक्ताले आगामी स्थानीय तह निर्वाचनमा सबै ७५३ वटै पालिका जित्ने लक्ष्य रहेको बताएका छन्। उहाँले “श्रम संस्कृति” स्थापित गर्न सके स्थानीय तहको विकासमा नयाँ अभ्यास सुरु हुने दाबी गर्नुभएको हो।

उहाँले भन्नुभयो, “स्थानीय चुनाव हामीले जित्नुपर्छ। ७५३ वटै पालिकामा जित्न पाए हुन्थ्यो भन्ने हाम्रो चाहना हो। धेरैजसो स्थानीय चुनाव हामी जित्छौँ, जित्नुपर्छ।”

उहाँका अनुसार श्रम संस्कृतिले जित हासिल गरेको पालिकामा श्रमदानमार्फत विकास निर्माणका काम अघि बढाइनेछ। “जुन पालिकामा श्रम संस्कृतिले जित्छ, त्यहाँ श्रमदानबाट पनि काम गर्ने गरी बजेट बनाउँछौँ,” उहाँले बताउनुभयो।

उक्त अभिव्यक्तिलाई स्थानीय विकासमा जनसहभागिता बढाउने अभियानका रूपमा हेरिएको छ भने विपक्षीहरूले यसलाई चुनावी नारा मात्रै भएको टिप्पणी गरेका छन्।