परेराको कीर्तिमान तोड्दै वैभव सूर्यवंशीले रचे इतिहास

नयाँ दिल्ली। किशोर क्रिकेट खेलाडी वैभव सूर्यवंशीले भारत ‘ए’ का लागि खेल्दै केवल ११ बलमा अर्धशतक प्रहार गरेर लिस्ट–ए ५० ओभर क्रिकेट इतिहासकै सबैभन्दा छिटो अर्धशतकको नयाँ विश्व कीर्तिमान बनाएका छन्।

१५ वर्षीय सूर्यवंशीले श्रीलंका ‘ए’ विरुद्ध भारत ‘ए’ का लागि खेल्ने क्रममा २९ बलमा ९४ रनको विस्फोटक इनिङ्स खेले। भारतले ९ विकेट गुमाएर ३७७ रन बनाएको उक्त खेलमा उनले १० चौका र ८ छक्का प्रहार गरे। उनले अर्धशतक पूरा गर्ने क्रममा केवल एक बलमा मात्र रन बनाउन सकेनन्। बाँकी १० बलमा उनले ५ चौका र ५ छक्का प्रहार गर्दै यो ऐतिहासिक उपलब्धि हासिल गरेका हुन्।