राप्रपाका पूर्वअध्यक्षत्रयको संयुक्त वक्तव्य, ‘हाम्रै जीवनकालमा पार्टी पतन भएको हेर्न चाहँदैनौं’

काठमाडौँ । राष्ट्रिय प्रजातन्त्र पार्टी (राप्रपा) का तीन जना पूर्वअध्यक्षले पार्टीभित्रको बेथिति र पूर्वाग्रहपूर्ण कारबाहीको विरोधस्वरूप आफूहरूले हालै सम्पन्न केन्द्रीय कार्यसमितिको बैठक बहिष्कार गरेको प्रस्ट्याएका छन्।

पूर्वअध्यक्षहरू पशुपति शमशेर राणा, डा. प्रकाशचन्द्र लोहनी र कमल थापाले बिहीबार (असार ७ गते) संयुक्त वक्तव्य जारी गर्दै असार ५ र ६ गते काठमाडौंमा बसेको बैठकमा अनुपस्थित हुनुको कारण खुलाएका हुन्।