कार दुर्घटनामा युवकको मृत्यु, दुई जना घाइते

नुवाकोट : नुवाकोटको शिवपुरीमा कार दुर्घटनामा परेको छ । सडक मार्गदेखि तल जंगलमा खसेर भएको दुर्घटनामा एक युवकको मृत्यु, भएको छ भने दुई जना घाइते भएका छन् ।

नुवाकोटबाट काठमाडौंतर्फ जाँदै गरेको बिएई ०५६९ विद्युतीय कार विहीवार वेलुकी नुवाकोटबाट काठमाडौं प्रवेशको छोटो दूरीको छहरे–गुर्जे–टोखा सडकमार्गमा दुर्घटनाग्रस्त भएको जिल्ला प्रहरी कार्यालय नुवाकोटले जनाएको छ । दुर्घटनामा सिरहाको सुखीपुर नगरपालिका–२ का ३५ वर्षीय सन्जिवकुमार चौधरीको मृत्यु भएको प्रहरी उपरीक्षक विपीन रेग्मीले जानकारी दिए ।