चिनियाँ बक्स अफिस हिट ‘डियर यू’ ले सिङ्गापुरमा छेडेको पहिचान बहस

परिवार, आशा र कठिनाइको भावनात्मक कथामा आधारित फिल्म ‘डियर यू’ले यस गर्मीयाममा चीनको बक्स अफिसमा उल्लेखनीय सफलता हासिल गरेको छ । तर यसले चीनबाट हजारौँ किलोमिटर टाढा रहेको सिङ्गापुरमा पहिचानका सम्बन्धमा अप्रत्याशित बहस पनि सिर्जना गराएको छ ।

यो फिल्म लगभग पूर्ण रूपमा तेओचेउ भाषामा छायाङ्कन गरिएको हो । तेओचेउ चीनको चाओसान क्षेत्रको भाषा हो, जुन अहिले पनि दक्षिण–पूर्वी एसियाका चिनियाँ समुदायका पाका पुस्तामाझ बोलिन्छ ।