पारिवारिक वातावरण पाइने ग्रीनभ्याली, रिफ्रेसदेखि पिकनिकसम्म

काठमाडौँ । राजधानीको व्यस्त दैनिकीबाट दिक्क भएको बेला छोटो फुर्सद निकालेर ‘रिफ्रेस’ हुने चाहना कसलाई नहोला र ! तर, कहाँ जाने ? हुन त रोजाइ आ–आफ्ना हुन्छन् ।

जसमध्ये, काठमाडौँको कोलाहलपूर्ण वातावरणबाट थोरै टाढा सञ्चालनमा छ– ग्रीनभ्याली रिसोर्ट । शिवपुरी जंगलको काँख अर्थात बूढानीलकण्ठ नगरपालिका वडा नम्बर ५ स्थित डाँडागाउँमा यो रिसोर्ट सञ्चालनमा रहेको हो । जहाँ शान्त वातावरणमा काठमाडौँ उपत्यकाको रमणीय दृश्य हेर्दै पारिवारिक वातावरण पाउन सकिन्छ । नामजस्तै रमणीय र हरियाली वातावरणमा छ, ग्रीनभ्याली ।