इटालियन सिरी’एमा एटलान्टाको फराकिलो जित, रेटेगुई एक्लैले गरे ४ गोल

काठमाडौं । इटालियन सिरी’एमा एटलान्टाले फराकिलो जित निकालेको छ । शनिबार राती भएको खेलमा एटलान्टाले हेलस भेरोनाविरुद्ध ५-० को जित निकालेको हो ।

एटलान्टालाई विजयी गराउन मातेओ रेटेगुई एक्लैले ४ गोल गरे भने एडर्सनले एक गोल गरे । २१ औं मिनेटमा पहिलो गोल गरेका रेटेगुईले पहिलो हाफअघि नै ह्याट्रिक पूरा गरेका थिए । उनले दोस्रो हाफपछि थप एक गोल गरे ।