सर्वाधिक गोलकर्ता बन्ने अवसरनजिक

अर्जेन्टिनाका कप्तान लियोनल मेसी अस्ट्रियाविरुद्ध हुने महत्वपूर्ण खेलमा फिफा विश्वकप इतिहासको सर्वाधिक गोलकर्ता बन्ने अवसरनजिक छन्।

समूह ‘जे’ को यो खेललाई अर्जेन्टिनालाई दोस्रो चरणको बलियो सम्भावनासम्म मात्र पु¥याउने छैन कप्तान मेसीलाई विश्वकपको सर्वाधिक गोलकर्ताको सूचीमा राख्ने माध्यम बन्नेछ। यो खेल सोमबार इर्लिङटनस्थित डालस स्टेडियममा हुनेछ। पहिलो खेलमा अर्जेन्टिनाले अल्जेरियामाथि ३–० को सहज जित निकाल्दा मेसीले ह्याट्रिक पूरा गरेका थिए, जुन उनको करिअरको ६१औं ह्याट्रिक पनि हो। यस क्रममा मेसीले विश्वकपमा १६ गोल गरिसकेका छन्। अब उनले थप एक गोल गरेमा जर्मनीका मिरोस्लाभ क्लोजको (१६ गोल) कीर्तिमान तोड्दै पुरुष विश्वकप इतिहासका सर्वाधिक गोलकर्ता बन्नेछन्। अस्ट्रियाविरुद्ध गोल गर्न सफल भए मेसी लगातार ६ विश्वकप खेलमा गोल गर्ने इतिहासका तेस्रो खेलाडी पनि बन्नेछन्।