आदिवासी जनजाति चलचित्र महोत्सव १७ जेठदेखि

काठमाडौं । आदिवासी जनजाति चलचित्र महासंघले जेठ १७ गतेदेखि ‘छैटौँ नेपाल आदिवासी जनजाति चलचित्र महोत्सव २०८३’ आयोजना गर्ने भएको छ । सूचना तथा सञ्चार मन्त्रालय, चलचित्र विकास बोर्ड र आदिवासी जनजाति उत्थान राष्ट्रिय प्रतिष्ठानसँगको सहकार्यमा तीन दिनसम्म महोत्सव हुने भएको हो ।

बोर्डको हलमा हुने महोत्सवमा लिम्बु, नेवारी, गुरुङ, तामाङ, मगर, भुजेल, माझी तथा राजवङ्शी समुदायका कथानक, लघु, वृत्तचित्र र एआई जेनेरेटेड फिल्म प्रदर्शन गरिने महोत्सव आयोजक समिति निर्देशक सागर केरुङले बताए ।