'डन ३' विवादमा सलमान खानको 'इन्ट्री'

नयाँ दिल्ली । पछिल्ला केही दिनयता बलिउडमा 'डन ३'सम्बन्धी कन्ट्रोभर्सी हेडलाइन बनिरहेको छ । फिल्म छोडेपछि रणवीर सिंहमाथि प्रतिबन्ध लगाइएको छ । यस्तोमा बलिउडका दिग्गज अभिनेता सलमान खानले निर्देशक फरहान अख्तर र रणवीर सिंहलाई मिलाउन प्रयास गरिरहेको भन्ने खबर आएको छ ।

फिल्म ‘डन ३’लाई लिएर उठिरहेको विवाद सलमान खानको कारण समाधान हुन सक्ने देखिएको छ । बलिउड हङ्गामाको एक रिपोर्ट अनुसार, सलमान खान रणवीर सिंह र फरहान अख्तर बिच मध्यस्थता गर्न खोजिरहेका छन् । उनले दुवै पक्षसँग कुरा गरेर दुबैले आफूसँग सम्बन्धित परियोजनाहरूको भविष्यलाई हानि नगरी आपसी समस्या समाधान गर्न आग्रह गरेको बताइएको छ । सलमान खानले फरहान अख्तरलाई दशकौंदेखि बलिउडमा रचनात्मक भिन्नताहरू सामान्य भएको बुझाउन खोजेका थिए । उनले रणवीरसँग लामो कुराकानी गरेको थाहा भएको छ ।