एआईको युगमा नेपाली आइटीका चुनौती र अवसर!

जेनेरेटिभ एआईलाई अचेल सरल भाषामा एआई भन्न थालिएको छ। जेनेरेटिभ एआईले मानिसले दिएको निर्देशन (प्रस्ट) को आधारमा पुराना डाटाहरूबाट ढाँचा र नियमहरू सिकेर नयाँ लेख, फोटो, भिडियो, अडियो वा कम्प्युटर कोड लगायत नयाँ सामग्रीहरू आफैँ तयार पार्न सक्छ।

एआईले यति छोटो समयमा यत्रो प्रगति गर्नेछ भन्ने सन् २०२२ को सुरुवातसम्म धेरैले कल्पनासमेत गरेका थिएनन्। त्यतिखेर ओपन एआईको जिपिटी-३ नै सबैभन्दा अग्रणी मोडल मानिन्थ्यो। यसले सिधा प्रश्नहरूको उत्तर दिन सक्थ्यो, तर प्रतिप्रश्न वा जटिल प्रश्नहरूको सामना गर्न भने निकै कठिनाइ अनुभव गर्थ्यो।